A partir do vindeiro 14 de novembro entra en vigor unha nova norma de obrigado cumprimento para os empleadores/as de persoas traballadoras do fogar. Esta normativa trae orixe no Real Decreto 893/2024 de 10 de setembro de 2024 que, ven a equiparar, a saúde das persoas empregadas de fogar, coa de calqueira outra persoa traballadora.
A aplicabilidade e cumprimento desta norma, implica que calquera persoa que teña contratada para o seu fogar a un empregado/a doméstico/a, xa sexa para coidados persoais, limpeza ou cociña, debe evaluar e previr os riscos laboráis no domicilio, como o fai calquera empresa que teña traballadores/as, ben de maneira persoal ou contratando un servizo de prevención de riscos alleo.
O domicilio doméstico onde se prestan os servizos é o centro de traballo habitual da persoa contratada e o lugar onde se expón aos riscos durante a súa xornada laboral.
Esta modificación lexislativa chega pouco despóis de que o Ministerio de Traballo impulsara o dereito á protección por desemprego deste colectivo, -formado maioritariamente por mulleres-, que concretaba o que xa había avanzado o Real Decreto 16/2022 que esixía que as persoas empleadoras adoptasen obrigas preventivas que anteriormente non eran claras e non se esixían.
As esixencias da norma tradúcense en que a persoa responsable, o empleador/a, debe facer unha identificación dos riscos do fogar, (químicos, eléctricos, de carga, de manipulación, etc) en relación ás tarefas asignadas á persoa empregada e volcar esta información nun documento de avaliación de riscos, así como establecer un plan de medidas preventivas, que en todo momento debe estar suxeito a un seguimento ben pola persoa responsable ou, pola persoa que este designe a tal efecto. Tamén se deberá de informar ás persoas traballadoras respecto ás medidas que se adopten así como de calquera outro extremo en relación aos riscos detectados no fogar. Facilitaráselle a documentación acreditativa do cumprimento da prevención de riscos no fogar familiar.
Dentro das medidas adoptadas, poderá haber algunha medida correctiva, como por exemplo dotar de equipos de protección (EPIS) ás persoas traballadoras, facilitándolle guantes, mascarillas, gafas protectoras ou calquera outra medida adaptada ás necesidades persoa e ao posto de traballo que desempeñe.
Para facilitar o cumprimento normativo, dende o Instituto Nacional da Seguridade Social púxose en marcha a ferramenta de acceso libre e gratuito, Prevención10.es, que permite de maneira guiada a confección do documento de avaliación de riscos esixido e tamén permite descargar información de interese para as persoas traballadoras do colectivo. Ainda así, pode supoñer todo un reto para as persoas empleadoras de fogar, ser responsables dos riscos aos que se expón á persoa traballadora e ter a capacidade de xestión necesaria ante calquera suceso ocorrido no domicilio.
