Ao longo do 2025, as comunidades de propietarios/as enfrontáronse a cambios legais significativos que afectaron directamente a súa organización, xestión e convivencia. Intentaremos resumir neste artigo, os cambios legais máis importantes dos últimos meses;
- Nova regulación dos pisos turísticos
Calquera propietario que queira alugar a súa vivenda como piso turístico necesitará o consentimento da comunidade. Esta autorización deberá ser aprobada por unha maioría de tres quintos en Xunta de Propietarios. Este cambio fortaleceu o dereito das comunidades para decidir sobre o uso dos inmobles e o seu impacto na convivencia.
A proliferación de vivendas de uso turístico xerou controversia en moitos barrios polo aumento do ruído, a deterioración das zonas comúns e a sensación de inseguridade. Esta reforma lexislativa busca equilibrar o dereito dos propietarios co interese xeral da comunidade.
- Impulso á eficiencia enerxética en comunidades, CAEs.
As comunidades de propietarios estarán obrigadas a cumprir con novos estándares de eficiencia enerxética nos próximos anos. Entre as medidas destaca a instalación de sistemas de enerxía renovable e a mellora do illamento térmico.
Os Certificados de Ahforro Enerxético (CAEs), traducense en beneficios económicos por mellorar a eficiencia enerxética da casa. Os Certificados de Aforro Enerxético (CAEs) vendense nun mercado especializado, onde os principales compradores son empresas e comercializadoras de petróleo e gas, e outro tipo de emprasas enerxéticas, obligadas a cumplir por ley con certas cuotas de aforro enerxético, que de non cumplir cos mesmos, pagarán multas ao Fondo Nacional De Eficiencia Enerxética (FNEE).
- Reforzo do procedemento contra veciños morosos
Coas novas modificacións, o procedemento monitorio para reclamar débedas comunitarias axilízase. As comunidades poderán presentar directamente unha certificación do acordo en xunta e unha desagregación detallada da débeda para iniciar o proceso xudicial, reducindo prazos e custos.
O novo marco tamén contempla a posibilidade de acumular reclamacións se o mesmo propietario mantén débedas en varias comunidades, o que aumenta a eficacia da acción legal. Ademais, refórzase a posibilidade de incluír intereses e costas, o que permite recuperar parte dos gastos derivados do proceso.
- Dereito de acceso a administradores de oficio en comunidades vulnerables
As comunidades con dificultades de organización, falta de pagamentos xeneralizada ou veciñanzas en risco de exclusión social poderán solicitar un Administrador de Fincas de Oficio (AFO), figura apoiada pola Administración Pública. Este profesional encargarase de regularizar a situación legal e técnica do edificio. A actualización lexislativa de 2025 representa unha oportunidade para profesionalizar a xestión comunitaria e previr conflitos, frecuentes dentro diste ámbito.
